Кенийн тамирчин Сабастиан Саве марафон гүйлтийн үндсэн зай болох 42.195 км-ийг 1 цаг 59 минут 30 секундын хугацаанд туулж, дэлхийн шинэ рекордыг албан ёсоор тогтоолоо. 2026 оны 4-р сарын 26-ны ням гарагт болсон Лондоны марафоны үеэр тэрээр ийнхүү хүн төрөлхтний түүхэнд анх удаа албан ёсны уралдааны явцад хоёр цагийн босгыг давсан юм. Түүнтэй хамт Этиопын тамирчин Йомиф Кежелча мөн тус зайг 1:59:41 цагт туулж барианд орсноор нэг уралдаанд хоёр тамирчин ийм өндөр амжилт үзүүлсэн түүхэн тохиолдол болж бүртгэгдэв.

 

 

Өмнө нь 2019 онд Элиуд Кипчоге тусгайлан бэлтгэсэн орчинд хоёр цагаас дотогш гүйж байсан ч энэ удаагийн Сабастиан Савегийн амжилт нь олон улсын нээлттэй тэмцээний үеэр, стандарт дүрмийн дагуу тогтоогдсон гэдгээрээ спортын ертөнцөд онцгой ач холбогдолтой юм. Уралдааны дараа Саве 42.195 км замыг ийм хурдтай туулж, хүн төрөлхтний боломж хязгааргүй гэдгийг баталсандаа баяртай байгаагаа илэрхийлсэн бөгөөд энэхүү үйл явдлыг олон улсын хэвлэлүүд марафон гүйлтийн түүхэн дэх шинэ эрин үе эхэлж буйг зарласан явдал хэмээн онцолж байна.