ОУВС-ийн шинжээчид дэлхийн эдийн засгийн шинэчилсэн төсөөллөө танилцууллаа. Нөхцөл байдал маш тодорхойгүй байгаа тул 2023 оны өсөлтийн төсөөллөө 2.8 хувь болгон бууруулж, 2024 онд 3.0 хувьд хүрнэ гэж үзэж байна. Өндөр хөгжилтэй орнуудын эдийн засгийн өсөлт 2022 онд 2.7 хувь байсан бол 2023 онд 1.3 хувь болж буурах төлөвтэй. Түүхий эдийн үнийн бууралтын нөлөөгөөр дэлхийн суурь инфляци 2022 онд 8.7 хувиас 2023 онд 7.0 хувь болж буурах төлөвтэй байгаа ч илүү удаан хугацаанд үргэлжилнэ. Тэгэхээр 2025 оноос өмнө инфляц зорилтот түвшинд хүрэх магадлал тун бага ажээ.