Украины зүгээс Оросын нийслэл Москва болон түүнтэй залгаа мужууд руу хэдэн арван дрон илгээсэн талаар Оросын Батлан хамгаалах яам өнөөдөр мэдээллээ. Албан мэдэгдэлд дурдсанаар нийт 30-аас дээш дрон агаарт илрүүлэгдсэн бөгөөд бүгдийг нь агаарт болон газар дээр устгасан гэж мэдэгдэв.

 

Довтолгооны улмаас

 

Внуково болон Домодедово зэрэг Москвагийн гол олон улсын нисэх онгоцны буудлуудыг түр хугацаанд хааж, нислэгүүдийг өөр чиглэл рүү буулгаж, заримыг нь саатуулсан байна.

 

Москва орчмын зарим дүүрэгт тэсрэлт, гал түймэр ассан талаарх бичлэгийг орон нутгийн оршин суугчид цахим хуудсуудаар түгээжээ. Хохирлын талаарх албан батлагдсан мэдээлэл одоогоор гараагүй байна.

 

Цэргийн шинжээчдийн үзэж буйгаар Украины тал нь Оросын гүн дотор байрлах зардал өндөртэй агаарын довтолгооноос хамгаалах системүүдийг (ПВО) тасралтгүй дараах стратегиар шахалтанд оруулахыг зорьж байгаа бөгөөд ийм төрлийн довтолгоонууд 2025 оны эхнээс хойш бараг долоо хоног бүр тасралтгүй давтагдаж байна.

 

Энэ удаагийн дрон довтолгоог Оросын талаас “бүрэн саармагжуулсан” хэмээн мэдэгдсэн ч нислэгийн дэд бүтэц завсарласан нь Москвагийн стратегийн агаарын бүс дахин эмзэг байгааг харууллаа гэж ажиглагчид дүгнэж байна.

Москва руу чиглэсэн Украины дрон довтолгоо: Нисэх буудлууд түр хаагдав