Өмнөд Солонгосын Батлан хамгаалах яам Хойд Солонгосыг илүү сайн ажиглах зорилгоор тав дахь тагнуулын хиймэл дагуулыг амжилттай хөөргөсөн талаар өнөөдөр мэдээлэв. Энэ нь БНСУ-ын сансар дахь цэргийн тагнуулын хөтөлбөрийн хамгийн сүүлийн үеийн алхам юм.

 

Хиймэл дагуулууд нь тус улсын хойд хөршийн цөмийн болон пуужингийн үйл ажиллагааг ойроос хянах, стратегийн мэдээллийг хурдан авах боломжийг олгодог. Тав дахь дагуулын тусламжтайгаар БНСУ нь Хойд Солонгосын гол дэд бүтэц, цэргийн хөдөлгөөн, пуужингийн туршилтыг илүү нарийн, бодит цаг хугацаанд ажиглах боломжтой болж байна.

 

Өмнөд Солонгосын Батлан хамгаалах яамны мэдэгдэлд:

 

Энэхүү дагуулыг хөөргөх явц нь БНСУ-ын “425 төсөл” буюу цэргийн тагнуулын дагуулын хөтөлбөр-ийн хүрээнд хэрэгжиж байгаа бөгөөд ирэх жилүүдэд сансар дахь таван тагнуулын дагуулыг ашиглалтад оруулах төлөвлөгөөтэй аж.

 

Шинжээчдийн үзэж байгаагаар, БНСУ-ын энэхүү алхам нь зөвхөн техникийн төдийгүй бүс нутгийн улс төр, аюулгүй байдалд шууд нөлөөтэй алхам юм. Хойд Солонгосын пуужин, цөмийн эрсдэл нэмэгдэж буй энэ үед Өмнөд Солонгос өөрийн стратегийн хараагаа бэхжүүлж, аюулаас урьдчилан сэргийлэх боломжийг нэмэгдүүлж байна.

Өмнөд Солонгос хойд хөршөө тагнах зорилгоор хиймэл дагуул хөөргөжээ