АНУ-ын Ерөнхийлөгч Доналд Трампын эзэмшдэг "Trump Media & Technology Group" компани "Truth Social" сүлжээн дэх түүний нийтлэлүүдийг олон нийтээс түрүүлж унших тусгай үйлчилгээг нэвтрүүллээ.

 

 

Ерөнхийлөгч Трампын аливаа мэдэгдэл, байр суурь нь хувьцаа, криптовалют болон валютын ханшид шууд нөлөөлж, зах зээлд богино хугацаанд хүчтэй савлагаа үүсгэдэг. Иймд мэдээллийг цаг алдалгүй авч арилжаа хийдэг Уолл Стритийн хөрөнгө оруулагчид, хедж сангууд болон крипто арилжааны компаниудын хувьд энэ нь асар том давуу тал болж байна.

 

Гэвч уг үйлчилгээ нь зах зээлд шударга бус давуу тал үүсгэж, төрийн тэргүүний статусаа ашиглан хувийн бизнесээ өргөжүүлсэн ёс зүйгүй үйлдэл хэмээн олон нийт болон хуульчдын хүчтэй шүүмжлэлд өртөөд байгаа юм. Одоогоор тус үйлчилгээнд 10 гаруй байгууллага аль хэдийн бүртгүүлээд байна.

Д.Трамп нийтлэлээ бусдаас түрүүлж унших эрхийг сарын 100 мянган ам.доллароор зарж эхэллээ