Монголд анх удаа Хавдар Судлалын Үндэсний Төв(ХСҮТ)-д туяа эмчилгээний шугаман хурдасгуурыг суурилуулж байна. 

 

Энэ тухай ХСҮТ-ийн ерөнхий захирал Н.Эрдэнэхүү "АНУ-ын "Varian" компанийн "True beam" хэмээх хамгийн сүүлийн үеийн туяа эмчилгээний шугаман хурдасгуурыг Солонгосын инженерүүд угсарч байна.

 

Тун удахгүй шинэ аппарат маань ажиллаж, монгол хүнд тус нэмрээ өгч эхлэх нь ээ" хэмээн бичжээ.

 

Энэхүү төхөөрөмж нь өвчтөний биеийн байдлыг нарийвчлан зураглах буюу 2D, 3D болон 4D сонголтоор харуулна. Мөн эмч мэргэжилтнүүдэд тухайн хүний биеийн яг аль хэсэгт эмчилгээ шаардлагатайг мэдэх боломжийг олгодог тул эмчилгээний хугацааг богиносгох, үр дүнг сайжруулах зэрэг давуу талтай юм байна. 

 

Ойрын хугацаанд энэхүү туяа эмчилгээний шугаман хурдасгуурын талаар албаны хүмүүс дэлгэрэнгүй танилцуулж, мэдээлэл өгнө хэмээн ХСҮТ-ийн ерөнхий захирал Н.Эрдэнэхүү цахим хуудсандаа бичжээ.

Хавдар Судлалын Үндэсний Төвд туяа эмчилгээний шугаман хурдасгуурыг суурилуулж байна.