Цөөн үгээр:
  • ДЭМБ: Дэлхий дахинд өндөр даралттай хүмүүсийн тоо 1.4 тэрбумд хүрчээ
  • АН-ын дарга О.Цогтгэрэл: Ноцтой мэдээлэл үнэн бол УИХ-ын дарга хуулийн хариуцлага хүлээх ёстой
  • Ипотекийн зээл авах 4.9 их наяд төгрөгийн шийдвэрлэгдээгүй хүсэлт хуримтлагджээ
Сангийн далайд "луу унжжээ"
7 жил өмнө   2123

Энэ сарын 3-ны өдөр Хөвсгөл аймгийн Бүрэнтогтох, Цагаан-Уул, Шинэ-Идэр, Завхан аймгийн Их-Уул сумын нутгийн заагт орших “Сангийн далай” нууранд “луу унжих” үзэгдэл болжээ.

Орон нутгийн эх сурвалжийн мэдээлснээр, тухайн өдөр цаг агаар тогтуун байсан ч “Сангийн далай” нуурын дээгүүр гэнэт үүл хуралдан бөөгнөрч, лууны сүүл хэлбэрийн үүл нуурт унжиж орсон ажээ. Тус үзэгдэл нь нуур орчим нутаглаж буй хүн, малд ямар нэгэн сөрөг нөлөө үзүүлээгүй бөгөөд нутгийн иргэд сайн цагийн бэлгэдэл, өнтэй өвөл болохын тэмдэг хэмээн бэлгэшээсэн байна.

“Луу унжих” гэдэг нь хуй салхи, аадар бороо орох зэрэг байгалийн сүрт үзэгдэл аж. Энэхүү үзэгдэл 2013 онд Архангай аймгийн Чулуут сумын нутаг8 Тооронтын ам гэдэг газар бороо орсны дараа хуй салхи босч, лууны сүүл шиг зүйл тэнгэрээс унжжээ. Түүнийг харсан нутгийнхан гар утсандаа зургийг нь авч, "Тэнгэрээс лууны сүүл унжсан" хэмээн ярьцгааж байсан аж. Мөн 1974 онд Хэнтий аймагт “луу унжих” үзэгдэл болж, хүчтэй салхи шуурга дэгдэж байжээ.

 

Ц.ОРГИЛ

Сангийн далайд "луу унжжээ"
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 1
  • Зочин [66.181.161.120] 5 жил өмнө
    2020 оны 6дугаар сарын23нд булган аймгийн гурван булаг суман луугийн сүүл унжжээ