“Оюу толгой” компани Өмнөговь аймгийн цар тахалтай тэмцэх үйлсэд дэмжлэг үзүүлж түргэвчилсэн оношлуур, урвалж, нарийн шүүлтүүртэй амны хаалт, комбинзон, нүүрний хаалт, бээлий, хүнсний бүтээгдэхүүн зэрэг 467.5 сая төгрөгийн үнэ бүхий эд зүйлсийг хандивлахаар болж орон нутгийн удирдлагуудтай эхний уулзалтаа цахимаар хийлээ.

Монгол Улсын эдийн засагт чухал нөлөө бүхий уул уурхайн үйл ажиллагаа явуулдаг өмнийн говийн бүс нутагт “КОВИД-19” өвчинтэй тэмцэж буй эмч, сувилагч, онцгой, мэргэжлийн хяналт, цагдаагийн болон төр хувийн хэвшлийн бүх ажилтнуудад талархаж буйгаа Оюу толгой компанийн зүгээс энэхүү уулзалтын үеэр илэрхийлсэн юм.