Цөөн үгээр:
  • ЭМЯ: 35 тохиолдол шинээр илэрсэн бөгөөд 1 тохиолдлын эх үүсвэр тогтоогдоогүй байна
Гарааны бизнесийг дэмжих “Social Innovation Week 2021” арга хэмжээг Голомт банк дэмжин ажиллаж байна
1 долоо хоног өмнө   208
Голомт банкны зүгээс Кайт Монгол болон ADB Ventures-ийн хамтран зохион байгуулж буй “Social Innovation Week 2021” цахим арга хэмжээг дэмжин ажиллаж байна. Уг арга хэмжээ нь Монгол Улсын хөгжлийн асуудлуудыг шийдвэрлэхэд хувь нэмрээ оруулж буй инновацийн гарааны бизнесүүдийг дэмжих, хурдасгах, бүс нутагт хамтран ажиллахыг дэмжих ач холбогдолтойгоороо онцлог юм.  
“Social Innovation Week 2021” арга хэмжээг энэ оны 2 дугаар сарын 23-26-ны өдрүүдэд цахимаар зохион байгуулах бөгөөд энэ үеэр Ногоон технологийн шийдэл, Боловсролын инновац, Финтек дэх инновац зэрэг үндсэн сэдвүүдийн хүрээнд гарааны бизнес эрхлэгчдийг оролцуулж, тэднийг дэмжих боломж, шийдэл гарц зэрэг өргөн хүрээнд хэлэлцүүлэг өрнөхөөр болжээ.
 
Цахим арга хэмжээг зохион байгуулагч Кайт Монголнь нийгэмд ээлтэй гарааны бизнесийг хөгжүүлэн, бойжуулах, шаардлагатай хөрөнгө оруулалтаар дэмжих чиг үүрэгтэй хурдасгагч хөтөлбөрийг хэрэгжүүлэгч байгууллага юм. Азийн хөгжлийн банкны хөрөнгө оруулалтын сан болох ADB Ventures-ийн хувьд Ази, Номхон далайн орнуудад тулгамдаж буй томоохон асуудлуудыг шийдвэрлэх, технологийн компаниудад хөрөнгө оруулалт хийх зорилготойгоор үйл ажиллагаагаа явуулж байна.
Гарааны бизнесийг дэмжих “Social Innovation Week 2021” арга хэмжээг Голомт банк дэмжин ажиллаж байна
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0