Цөөн үгээр:
  • Баянхонгорт Япон стандартын жишгээр барьсан сургууль ашиглалтад орлоо
  • ХӨСҮТ: Хэвтэн эмчлүүлж буй гурван хүний биеийн байдал хүндэвтэр байна
Соня Девиллийг барьцаалахыг завджээ
1 сар өмнө   163
WWE буюу бидний сайн мэдэхээр “нохой зодоон”-ы од Соня Девиллийн Флорида мужийн Лутз хотод байрлах гэрт нь өнгөрөгч Ням гаригт /2020.08.16/ гадны этгээд нэвтэрсэн байна. Гэмт хэрэгтний нэрийг Филип А.Томас гэдэг бөгөөд өмнө нь зэвсгийн хулгай, хүн хулгайлах, танхай, мансууруулах бодисын хэргээр шийтгэгдэж байжээ. Тэрбээр Девиллийн гэрт нууцаар нэвтрэхийн тулд найман сар төлөвлөсөн аж.
 
Ням гаригийн оройн 02:43 цагт гэрт байсан хүмүүсийг унтаж байх хооронд Филип цонхоор нь дамжин бүсгүйн гэрт нэвтэрчээ. Азаар гэрийн дохиолол нь дуугарч, гэрт байсан хүмүүс гадны хүн байгааг мэдэж 911 рүү залган цагдаад мэдэгдсэн байна. Цагдаа нар ирж Филип А.Томасыг баривчлахад түүний биеэс хутга, хуванцар зип, скоч, цахилгаан бороохой зэрэг зүйлсийг олжээ.
 
Хэргийн газарт ажилласан цагдаа нарын хэлснээр “Гэмт хэрэгтэн нь өмнөд Каролина дахь гэрээсээ Флоридад ирж Девиллийг барьцаалахаар төлөвлөж байсан” гэжээ. Харин Соня Девилль өөрийн цахим хуудаснаа өөрийн шүтэн бишрэгч болон цагдаа нарт баярласнаа илэрхийлэн “Миний төлөө анхаарал халамж тавьсан бүх хүнд баярлалаа. Маш аймшигтай зүйл тохиосон боловч одоо бид бүгд аюулгүй байна. Хиллсборогийн цагдаагийн газрын алба хаагчдад онцгойлон талархсанаа илэрхийлье” хэмээжээ.
 
Соня Девилль бол түүний тайзны нэр бөгөөд бүсгүйн жинхэнэ нэрийг Дариа Рай Беренато гэдэг аж. Мөн тэрбээр WWE-ийн түүхэнд ижил хүйстэн гэдгээ зарласан анхны эмэгтэй тамирчин гэнэ.
 
Э.Сайханзаяа
Соня Девиллийг барьцаалахыг завджээ
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0