Цөөн үгээр:
  • "Парис-2024" олимпын анхны эрхийг О.Есүгэн авчирлаа
  • Австрали улс Монголд болсон үерийн гамшигт 250,000 австрали долларын хүмүүнлэгийн тусламж үзүүлэхээ мэдэгдэв
  • Италийн домогт дуучин Тото Кутуньо 80 насандаа таалал төгслөө
БНСУ-ын $267 саяын хөнгөлөлттэй зээлээр Солонго-1 орон сууцны хорооллыг барина
4 долоо хоног өмнө   234
"Солонго-1 орон сууцны хороолол" барих төслийн гэрээг өчигдөр баталжээ.
 
БНСУ-ын Засгийн газрын хөнгөлөлттэй зээлээр баригдах “Солонго-1, 2" орон сууцны хорооллыг барих гүйцэтгэлийн гэрээ ийнхүү албажсанаар Хан-Уул дүүргийн 21 дүгээр хорооны нутаг дэвсгэр, хуучин Буянт-Ухаа нисэх онгоцны буудлын зүүн талд, 17.5 га талбайд 5,002 айлын орон сууцны хорооллын барилга угсралтын ажлыг эхлүүлэхээр болж байна.
 
Тус хорооллыг БНСУ-ын Эксим банкны Эдийн засгийн хамтын ажиллагааны сан /EDCF/-гийн жилийн 0.15 хувийн хүүтэй, 40 жилийн хугацаатай, 266.9 сая ам.долларын хөнгөлөлттэй зээлийн санхүүжилтээр 40 сарын хугацаанд барихаар гэрээнд тусгажээ.
Гэрээнд БХБЯ-ны Төрийн нарийн бичгийн дарга С.Магнайсүрэн, БНСУ-ын "Колон глобал корпорэйшн" ХХК-ийн дэд ерөнхийлөгч Жо Хүн Чул нар гарын үсэг зуржээ.
БНСУ-ын $267 саяын хөнгөлөлттэй зээлээр Солонго-1 орон сууцны хорооллыг барина
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0