“Бээжин-2022” өвлийн олимпын XXIV наадмын 2 дугаар сарын 10-ны өдөр эмэгтэй 98 цаначин Жанчхүүгийн цасан замд 10 км зам туулан уралдахаас Монголын тамирчин ОУХМ Ариунсанаагийн Энхтуул багтжээ.
Энэхүү уралдаан 15.00 цагт эхлэх бөгөөд тамирчид спринт төрөлтэй адилхан 30 секундийн зайтай гараанаас ээлжлэн гарах юм. Монголын цаначин А.Энхтуулын хувьд 96 дугаарт эрэмбэлэгдэн 15 цаг 48 минутад гараагаа эхлүүлнэ.
Цагаан олимпын наадамд анх удаа оролцож байгаа манай тамирчин өмнөх спринт уралдаанд тэргүүлэгчээс 49 секунд хоцрон 79 дүгээр байрт орсон билээ. Харин А.Энхтуул энэ удаа өөрийн үндсэн төрөлдөө өрсөлдөхөд ийнхүү бэлэн болжээ.
Гэрэл зургийг С.Энхжаргал /Монголын спортын сэтгүүлчдийн холбоо/
| ОУХМ А.Энхтуул өнөөдөр уралдана |
|
Мексикийн "харь гаригийн биет"-ийг лабораторид шинжлэв