Цөөн үгээр ...
  • Татварын багц хуульд тавьсан Ерөнхийлөгчийн хоригийг хүлээж авах боломжгүй гэж үзлээ
  • Өнөөдрөөс шар тэмдэглэл дээр зогсож түгжрэл үүсгэвэл хариуцлага тооцно
  • УИХ-ын гишүүн Д.Гантулгыг чөлөөлсөн нь хууль зөрчсөн эсэхийг хэлэлцэх тов гарчээ
Ирээдүйн үндэсний шигшээ багийн тоглогчид “Элит академи”-д суралцана
2 долоо хоног өмнө   155
Шигшээ багийнхаа амжилтад анхааран ажилладаг Монголын Хөлбөмбөгийн Холбоо 16, 19 хүртэлх насны “Элит академи”-ийг нээж, өсвөрийн шигшээ болон ирээдүйн үндэсний шигшээ багийн залгамж халааг тогтвортой бэлдэх ажлаа нэг шат ахиулан хийхээр боллоо.
 
“Элит академи”-ийн нээлтийн үйл ажиллагаа өнөөдөр холбооны ногоон талбайд болоход МХБХ-ны Ерөнхийлөгч А.Ганбаатар оролцож: “ Ялалтын баярын өдөр “элит академи”-ийн нээлтийг хийж байгаа учраас манай шигшээ багийн залуус олон сайхан ялалт байгуулахыг бэлэгшээж байна. “Элит академи”-тай хамтран ажиллах хүсэлтэй гадна дотнын дасгалжуулагч, мэргэжилтнүүдэд манай үүд хаалга нээлттэй байх болно.” хэмээн ярилаа.
 
Уг академийн сургалт, бэлтгэлийг удирдан явуулах МХБХ-ны Техникийн хэлтсийн захирал Хатем Соусси: “ Элит академи зөвхөн Улаанбаатар хотын хөлбөмбөгчин хүүхэд залууст бус Монгол орны өнцөг булан бүрт байгаа авъяаслаг өсвөрийн хөлбөмбөгчдөд сонгон шалгаруулалт хийхэд нээлттэй байх болно.” гэж “Элит академи”-ийн цар хүрээний талаар хүүрнэсэн юм.
 
Мягмар, лхагва гарагт явагдах академийн бэлтгэлийг МХБХ-ны өсвөр үе, залуучуудын хөлбөмбөг хариуцсан мэргэжилтэн Растислав Бозик удирдахаас гадна нас насны шигшээ багийн дасгалжуулагч нар ажиллах болно.
Ирээдүйн үндэсний шигшээ багийн тоглогчид “Элит академи”-д суралцана
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0