Цөөн үгээр:
  • ДЭМБ: Дэлхий дахинд өндөр даралттай хүмүүсийн тоо 1.4 тэрбумд хүрчээ
  • АН-ын дарга О.Цогтгэрэл: Ноцтой мэдээлэл үнэн бол УИХ-ын дарга хуулийн хариуцлага хүлээх ёстой
  • Ипотекийн зээл авах 4.9 их наяд төгрөгийн шийдвэрлэгдээгүй хүсэлт хуримтлагджээ
Таван зуун жилийн настай Шүри шилтгээн шатжээ
6 жил өмнө   677

Японы Окинава аралд оршдог Юнескогийн соёлын өвд бүртгэгдсэн Шүри шилтгээн шатжээ. Таван зуун жилийн настай тус шилтгээн үүрээр 02.40 цагийн орчимд шатаж эхэлжээ. Рюүкюүгийн хаант улсын үед буюу 1400-аад оны үед байгуулагдсан уг сум нь Японы өмнөд нутгийн жуулчид хамгийн их зорин ирдэг газруудын нэг юм. Шилтгээний гол барилгад гарсан түймэр удалгүй бусад байгууламжуудад тархсан байна. Галын шалтгаан тодорхойгүй, унтраах ажил үргэлжилж байгаа ажээ.

Шилтгээний ойролцоо амьдардаг 30 гаруй иргэнийг нүүлгэн шилжүүлсэн ба одоогоор гэмтэж бэртсэн, түлэгдсэн хүн байхгүй байгаа тухай албаны хүмүүс мэдээлжээ. Аравдугаарсарын 27-ноос хаант улсын үеийн зан үйлийг харуулсан үзүүлбэрийг жуулчдад зориулан үзүүлж байсан ба өнгөрсөн шөнө 01.00 цаг хүртэл энэ арга хэмжээ үргэлжилсэн ч галын шалтгаан тус арга хэмжээтэй холбоотой эсэх нь тодорхойгүй байна.
Уг байгууламж дэлхийн хоёрдугаар дайны үед нэлээд сүйдсэн бөгөөд шинэчилж, сэргээсний дараа 1992 онд дахин нээж байжээ. Дэлхийн соёлын өвд 2000 онд бүртгэгдсэн Шүри шилтгээн нийт 4,200 хавтгай дөрвөлжин метр талбай бүхий зургаан хэсгээс бүрддэг.үртгэгдсэн Японы Шүри шилтгээн шатжээ.  
Таван зуун жилийн настай Шүри шилтгээн шатжээ
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0