Ганц мод гал болохгүй, ганц хүн айл болохгүй гэдэг хэлц хэдийнэ үеэ өнгөрөөж ганцаараа байх, ганцаардал байх нь эмгэг биш болжээ.  Өнөөдөр дэлхий дахинд ганц бие залууст "The Loneliness Economy" буюу  Ганцаардлын эдийн засаг нь бусадтай биш, өөртэйгөө яаж аз жаргалтай байхыг зааж өгч байна. Хүмүүс гэр бүл зохиохоос илүү өөрийнхөө тав тухыг нэгт тавьж байгаа нь зах зээлийг үндсээр нь өөрчилж байна.

 

1. Япон: "Ohitorisama" буюу "Ганцаараа байхын урлаг"

 

Япончууд энэ тал дээр дэлхийд тэргүүлж байна. "Охиторисама" гэдэг нь ямар ч зүйлийг ганцаараа хийх гэсэн утгатай тренд юм.

• Solo-Karaoke: Японд зөвхөн нэг хүнд зориулсан караоке бүхээгүүд (1Crowd) асар их эрэлттэй.

• Ичгүүргүй ганцаардал: Ресторанууд нь бусадтай харц тулгарахгүйгээр, зөвхөн урд талын цонхоор хоолоо авч иддэг "ганц хүний лангуу"-г стандарт болгосон. Энэ нь бусдын нөлөөгүйгээр өөртөө анхаарал хандуулах боломжийг олгодог.

 

2. Өмнөд Солонгос: "Honjok" соёл

 

Солонгосын залуусын дунд "Hon-bap" (ганцаараа хооллох), "Hon-sul" (ганцаараа уух) гэх мэт үгс өдөр тутмын хэрэглээ болжээ.

• Шалтгаан: Өрсөлдөөн ихтэй нийгэмд бусадтай харилцахаас илүү ганцаараа байж эрчим хүчээ нөхөхийг илүүд үзэх болсон.

• Бизнес: Samsung, LG зэрэг компаниуд ганц бие залууст зориулсан "мини" хөргөгч, жижиг угаалгын машин, нэг хүний агшаагчийг тусгайлан үйлдвэрлэж байна.

 

3. Барууны орнууд: "Experience Over Relationship"

 

Европ болон АНУ-д залуу үеийнхэн гэр бүлдээ хөрөнгө оруулахаас илүү "Туршлага" (Experience) худалдаж авахыг чухалчилж байна.

• Solo Travel: Дэлхийн аяллын зах зээлийн 20-30% нь ганцаараа аялагчид болон хувирсан. Тэд илүү их мөнгө зарцуулдаг, учир нь тэд зөвхөн өөрийнхөө таашаалд зориулж төлдөг.

• Pet Parents: Хүүхэд өсгөхөөс татгалзсан залуус тэжээвэр амьтдыг "хүүхэд" шигээ үзэж, тэдэнд асар их мөнгө зарцуулж байна. Үүнийг дагаад амьтны эмнэлэг, спа, зочид буудлын бизнес тэсрэлт хийж байна.

 

4. AI ба Дижитал нөхөрлөл

 

Дэлхийд "Ай" (AI)-тай үерхэх, тэдэнтэй сэтгэлээ хуваалцах аппликейшнүүд (жишээ нь: Replika) тэрбум долларын ашиг олж эхэллээ.

• Хүмүүс бодит харилцаанаас үүсэх "драма", хэрүүл маргаанаас залхаж, өөрийг нь хэзээ ч шүүмжлэхгүй, үргэлж дэмжих дижитал найзтай болохыг сонгож байна.

 

The Loneliness Economy буюу Ганцаардлын эдийн засаг