Сирийн ерөнхийлөгч Башар аль-Ассад гэр бүлийн хамтаар ОХУ-ын нийслэл Москвад ирсэн талаар Оросын төрийн мэдээллийн агентлаг мэдээллээ.

Түүний талаар босогчдод эзлэгдсэн Дамаскаас зугтаж яваад онгоцны ослоор нас барсан байж магадгүй талаар мэдээлэл гараад байсан юм. Уг цуу яриа, мэдээлэлд цэг тавьж  "TASS" агентлаг "Ассад болон түүний гэр бүл ОХУ-ын нийслэл Москвад ирсэн бөгөөд хүмүүнлэгийн шалтгаанаар тэдэнд орогнол олгосон" гэж мэдээлсэн байна.