АНУ-ын Ерөнхийлөгч Дональд Трамп наймдугаар сарын 18-нд Вашингтонд болсон уулзалтын дараа Оросын Ерөнхийлөгч Владимир Путин болон Украины Ерөнхийлөгч Володимир Зеленский нарыг ойрын өдрүүдэд уулзуулах боломжтой гэж мэдэгдлээ.

Уг уулзалтад Зеленский болон Европын хэд хэдэн удирдагч, түүний дотор Францын Ерөнхийлөгч Эммануэль Макрон оролцсон байна. Уулзалтын дараа Трамп Путинтай шууд утсаар холбогдож, хоёр улсын төрийн тэргүүнүүдийг ойрын хугацаанд уулзуулах, мөн 2-3 долоо хоногийн дараа гурван талт дээд хэмжээний уулзалтыг зохион байгуулах боломжтой гэжээ.

Францын Ерөнхийлөгч Макрон уулзалтын үеэр Украйны аюулгүй байдлын баталгааг хангахыг Европын орнуудын зүгээс дэмжиж буйгаа илэрхийлсэн. Тэрбээр мөн хэрэв Путин энхийн хэлэлцээнд бодитоор оролцохгүй бол Орост шинэ хориг арга хэмжээ авахад бэлэн байгаагаа анхааруулжээ.