Цөөн үгээр:
  • Улаанбаатар хотын 18 байршилд олон түвшний уулзвар барина
Трампын бодлогын нөлөөллөөр АНУ-д сэргээгдэх эрчим хүчний хөрөнгө оруулалт буурав
3 цагийн өмнө   117

АНУ-ын сэргээгдэх эрчим хүчний салбарын хөрөнгө оруулалт энэ оны эхний хагаст эрс буурлаа. BloombergNEF-ийн тайланд дурдсанаар хөрөнгө оруулалтын хэмжээ өнгөрсөн оны сүүлийн хагастай харьцуулахад 36 хувь буюу 20 тэрбум гаруй ам.доллароор багассан байна.

Дэлхийн хэмжээнд сэргээгдэх эрчим хүчний төсөлд рекорд түвшний 386 тэрбум ам.долларын хөрөнгө оруулалт хийгдсэн ч АНУ энэ өсөлтөд хамрагдаагүй байна.
 
Шинжээчдийн үзэж буйгаар, хөрөнгө оруулалт буурсанд Ерөнхийлөгч Дональд Трампын засгийн газрын бодлого голлон нөлөөлжээ. Тэрбээр салбарын татварын урамшууллыг цуцлах хуулийн төсөл өргөн барьж, томоохон салхин цахилгаан станцын төслүүдийг зогсоосон нь хөрөнгө оруулагчдын итгэлийг сулруулсан байна.
 
Үүний улмаас зөвхөн энэ онд гэхэд салбарт ойролцоогоор хорин мянган ажлын байр цөөрсөн бөгөөд шинжээчид цаашид энэ тоо нэмэгдэх эрсдэлтэй гэж анхаарууллаа.
Харин Европ болон Азийн зарим улс тогтвортой бодлого баримталж, сэргээгдэх эрчим хүчний хөрөнгө оруулалтыг татсаар байгаа юм.
 
Трампын бодлогын нөлөөллөөр АНУ-д сэргээгдэх эрчим хүчний хөрөнгө оруулалт буурав
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0