2025 оны 9-р сарын 3-ны өдөр Бээжингийн Тяньаньмэнь талбайд Дэлхийн II дайн дууссаны 80 жилийн ойд зориулсан “Victory Day” цэргийн парад болж, Хятадын түүхэнд тохиогоогүй том хэмжээний ёслолын ажиллагаа боллоо.

 

Парадад Хятадын дарга Си Жиньпин илтгэл тавихдаа:

 

 

Ёслолд ОХУ-ын Ерөнхийлөгч Владимир Путин, Хойд Солонгосын удирдагч Ким Жон Ун болон Монгол Улсын Ерөнхийлөгч Ухнаагийн Хүрэлсүх нарын зэрэг өндөр түвшний зочид хүрэлцэн ирж оролцсон нь олон улсын анхаарлыг татлаа. Харин барууны улс орнуудын удирдагчид оролцоогүй нь геополитикийн хурцадмал байдлыг илтгэв.

 

Парадын үеэр Хятадын арми хамгийн сүүлийн үеийн гиперзвугийн пуужин, дрон, танк, сөнөөгч онгоц зэрэг цэрэг техникийг олон нийтэд танилцуулсан бөгөөд зарим зэвсгийг анх удаа дэлгэн үзүүлжээ.

Тайванийн тал энэ ёслолыг “түүхийг гуйвуулсан улс төрийн үзүүлбэр” гэж шүүмжилсэн бол барууны хэвлэлүүд парадын зардлыг хэдэн тэрбум ам.доллараар хэмжигдэж байгаа талаар мэдээлэв. АНУ-ын Ерөнхийлөгч Доналд Трамп өөрийн Truth Social хуудсандаа “Тэд АНУ-ын эсрэг хуйвалдаж байна” хэмээн мэдэгдсэн байна.

 

Ийнхүү Бээжингийн төв талбайд болсон энэхүү парад нь зөвхөн Хятадын цэрэг техникийн хүчийг харуулах бус, олон улсын шинэ хүчний тэнцвэрийг тодорхойлох улс төрийн мессеж болж өнгөрлөө.

 

Хятадын түүхэн дэх хамгийн том цэргийн парад Бээжинд болло