Ерөнхий сайд асан Н.Алтанхуягийн зөвлөхөөр ажиллаж байсан М.Тулгыг АТГ-аас эрх мэдэл, албан тушаалын байдлаа урвуулан ашиглаж, улсад их хэмжээний хохирол учруулсан байж болзошгүй гэх үндэслэлээр яллагдагчаар татан шалгаж дуусчээ. Түүнд холбогдох хавтаст хэргийг шүүхэд шилжүүлэх саналтайгаар прокурорт шилжүүлсэн талаар АТГ-аас мэдээлэв.
М.Тулгыг улсын төсвийн хөрөнгөөр 2011, 2012 онд санхүүжигдэх ажил үйлчилгээний гүйцэтгэгчийг сонгон шалгаруулах тендерт өөрийн хамаарал бүхий компаниудын нэр дээр тендерийн бичиг баримт бүрдүүлэн тендерт оролцож, үнэлгээний хорооны гишүүдэд нөлөөлж, тендерийн шаардлага хангаагүй компаниудыг сонгон шалгаруулах хууль бус шийдвэр гаргуулан улсад онц их хэмжээний хохирол учруулсан хэрэгт буруутган шалгасан байдаг.
Ц.ОРГИЛ
Н.Алтанхуягийн зөвлөх асан М.Тулгад холбогдох хэргийг прокурорт шилжүүлжээ |