Монгол Улсын гавьяат жүжигчин, “Чингис хаан” одонт дуучин Г.Ариунбаатар ОХУ-д уригдан хэд хэдэн тоглолтод дуулахаар болжээ.

Тухайлбал, энэ сарын 30-нд Москвагийн Улаан талбайд болох тоглолтод ОХУ болон Абхазын ардын жүжигчин, алдарт сопрана Хибла Герзмаватай хамт “Подмосковные вечера” дууг дуулах юм байна. Нөгөөдөр буюу наймдугаар сарын 31-нд Кремльд, дараа нь П.И.Чайковскийн консерватурт тоглолтоо толилуулахаар болжээ.

Тэрбээр өнгөрөгч онд OXУ-д болсон Олон улсын дуурийн дуулаачдын наадмын тэргүүн байрыг эзэлж байсан аж. Түүнчлэн хуучин ЗХУ-ын Ардын жүжигчин, дэлхийн нэрт дуучин Муслим Магомаевын нэрэмжит олон улсын дуурийн дуучдын уралдаанд амжилттай оролцож 1600 гаруй дуучдаас шалгарч Гран при шагналын эзэн болсон билээ.

 

 

МУГЖ Г.Ариунбаатар Улаан талбайд дуулна