Монголын томоохон компаниудын нүүр царайгаар тодорч, чамлахааргүй ирээдүйтэй яваа загвар өмсөгч Т.Оюун-Эрдэнэ “Азийн стар модель”-иор шалгарчээ. Тэрбээр энэ сарын 9-нд БНСУ-ын нийслэл Сөүл хотноо зохион байгуулсан “Asia model awards-2019” наадмын улаан хивсний ёслолд оролцож, шагналаа гардан авсан байна.

 

"Монгол модель" агентлагаас төрөн гарсан чадварлаг загвар өмсөгчдийн нэг тэрбээр одоо "Говь" брэндийн нүүр царайгаар ажиллаж байгаа ажээ. Загвар өмсөгч бүсгүй өнгөрөгч дөрөвдүгээр сард “Гиннесийн ном”-д бүртгүүлэх дэлхийн 90 улсын 300 гаруй дизайнер, мэргэжлийн загвар өмсөгч оролцсон загварыг наадамд Монгол Улсаа төлөөлөн дөрвөн загвар өмсөгчийн хамт оролцоод ирсэн юм.

 

Тодруулбал, Испани улсын Мадрид хотноо дөрөвдүгээр сарын 5-наас 6-нд болсон загварын томоохон наадамд "Uilen couture" брэндийн дизайнер Б.Золзаяа болон Топ модель О.Пүрэвдулам, Н.Сарнай, М.Наранмандах, Д.Долгион, Т.Оюун-Эрдэнэ нараас бүрдсэн баг оролцсон.

 

 

Д.НОМИН

Загвар өмсөгч Т.Оюун-Эрдэнэ “Азийн стар модель” болжээ