Монгол Улсын Ерөнхий сайдын айлчлалын хүрээнд "Монголд тавтай морилно уу" арга хэмжээн дээр K-Pop үүсгэн байгуулагч И Сү Ман нь 2023 оны зургадугаар сарын сүүл, долдугаар сарын эхээр kpop хөгжмийн тоглолтыг Монгол Улсад зохион байгуулахаа зарлалаа. 

БНХАУ, Япон улс, Монгол Улс гэх мэт Азийн бусад орнуудад нэгэнт танигдсан Кpop одуудыг Монгол Улсад зохион байгуулагдах Кpop хөгжмийн наадамд оролцуулж дэлхийн залуучууд Монголд чуулна. Энэ үеэр Хятад, Сингапур, Тайван, Тайланд улсаас кпопын үзэгч, фенүүд ирнэ гэж тооцоолж байна. Ямар хамтлаг, дуучин ирэхийг тодорхой болгохоор айлчлалын бүрэлдэхүүнд багтсан БОАЖ-ын сайд болон холбогдох албаныхан уулзалт хийж байгаа аж. Дашрамд, 2023 оныг Монголд зочлох жил болгон зарласан билээ.