Улаанбаатар хотод түүхий нүүрс оруулахыг хориглосон Засгийн газрын шийдвэр өнгөрсөн 5 дугаар сарын 15-ны өдрөөс хэрэгжиж эхэлсэн. Энэхүү шийдвэрийн хэрэгжилтэд Нийслэлийн цагдаагийн газраас 36 өндөрлөг цэгүүдэд болон шалган нэвтрүүлэх товчоонд хяналт шалгалт тавьж ажилласан байна. Нийслэлийн цагдаагийн газрын урьдчилан сэргийлэх хэлтсийн дарга Л.Амармөрөн 10 дугаар сарын 4-с хойш түүхий нүүрстэй холбоотой 188 зөрчил илрүүлэн 503 тонн нүүрсийг холбогдох байгууллагад шилжүүлэн ажиллаж байна гэсэн тайлбар өглөө.
Мөн Улаанбаатар хотод түүхий нүүрс нэвтрүүлэхээс урьдчилан сэргийлэх чиглэлээр 24 цагаар үүрэг гүйцэтгэж байгаа талаар тэрээр дуулгасан юм. Нийслэлд түүхий нүүрс тээвэрлэсэн болоод хэрэглэсэн тохиолдолд зөрчлийн тухай хуулийн 7 дугаар зүйлийн 4.1.3-т зааснаар иргэнийг 300 мянга, ААН-ийг 3 сая хүртэлх төгрөгөөр торгож байна.
Түүхий нүүрстэй холбоотой 188 зөрчил гараад байна |